Archive

Archive for the ‘પુરુરાજ જોષી’ Category

મન મૂકી વરસ – પુરુરાજ જોષી

November 17, 2011 Leave a comment

બે ચાર છાંટાથી છીપે એવી નથી મારી તરસ,
તારે વરસવું હોય તો આકાશ મન મૂકી વરસ…

નાંખ છત્રીને ધરામાં, નિર્વસન થૈને નીકળ,
આવું ચોમાસું ભલા ન આવતું વરસોવરસ…

મઘમઘું હું હેમ થઈને, ઝગમગું સૌરભ બની,
તું મને સ્પર્શે તો મિતવા આવ તે રીતે સ્પરશ…

કોઈ મારામાં વસે છે, ને શ્વસે છે રાતદિન,
એ મને જોતું સતત પણ ના થતાં એના દરશ…

અંગ પરથી વસ્ત્ર જળની જેમ સરતાં જાય છે,
કોણ સામે તીર બજવે બાંસુરી એવી સરસ…

સાંકડે મારગ, મદોન્મત્ત હાથિણી સામે ખડો,
કાં છૂંદી નાંખે મને, કાં મસ્તકે ઢોળે કળશ…

– પુરુરાજ જોષી

Advertisements