Archive

Archive for the ‘ડૉ. સુરેશ કુબાવત’ Category

આપણે કેમ મળતા નથી? – ડૉ. સુરેશ કુબાવત

November 18, 2011 Leave a comment

એ તરફ હવે રસ્તાઓ વળતા નથી,
શું એટલેજ આપણે મળતા નથી?

ઉગુ ઉગુ થાય એક કેડી તારા તરફની,
ખૂટે છે એટલું કે પગલા હજુ પડતાં નથી…

વ્યર્થ મથો છો એને ઝીલવા, ઓ આયનાઓ,
સૂર્યના પ્રતિબિંબો એમ રેઢા રઝળતાં નથી…

માંડો કાન તો દરિયો ઘૂઘવશે મહીં,
ઝાંઝવાઓ કદી એમ ખળભળતા નથી…

ઉઘડી ગઈ છે આંખ ક્યારની અમારી,
એટલું ખરું કે હવે સળવળતા નથી…

ખૂટે છે એમાં જે અટવાણાં સાત સૂરમાં,
ને આઠમા સુર કાજ ટળવળતા નથી…

– ડૉ. સુરેશ કુબાવત

Advertisements