Home > કવિતા, ગઝલ, ચિનુ મોદી 'ઇર્શાદ' > લાગશે કેવું તને? – ચિનુ મોદી ‘ઇર્શાદ’

લાગશે કેવું તને? – ચિનુ મોદી ‘ઇર્શાદ’

September 9, 2014

પાંદડાં ખરશે, ખખડશે, લાગશે કેવું તને?
શ્વાસના રસ્તા અટકશે, લાગશે કેવું તને?

આવશે, મોજાં ઉછળતા આવશે, ભીંજાવશે,
ચામડી બળશે, ચચરશે, લાગશે કેવું તને?

પોપડાં બાઝી જશે, ને રંગ પણ ઉપટી જશે,
લોહીનો ઉન્માદ ઘટશે, લાગશે કેવું તને?

આવશે પાછોતરા વરસાદની મૌસમ હવે,
બુંદ તું એક એક ગણશે, લાગશે કેવું તને?

નિત્યના અંધારનો ઇર્શાદ તું હિસ્સો થશે,
દ્રશ્યથી બાકાત બનશે, લાગશે કેવું તને?

Advertisements
%d bloggers like this: