Home > અશરફ ડબાવાલા, કવિતા, ગઝલ > પક્ડીને બેઠા છો – અશરફ ડબાવાલા

પક્ડીને બેઠા છો – અશરફ ડબાવાલા

August 25, 2014

નથી ઝગતી કદી એવી ચલમ પક્ડીને બેઠા છો,
એને દીવાસળી આખો વખત પક્ડીને બેઠા છો…

સરસ ગીતો, અછાંદસ જેવા માણસ ઝંખે છે તમને,
તમે તમને જ ગમતી એક ગઝલ પક્ડીને બેઠા છો…

હથેળીમાં પવન સાથે રમો છો એમ છો લાગે,
હકીકતમાં વિવશ થઈને સ્મરણ પક્ડીને બેઠા છો…

યશસ્વી હો કે યાચક હો તમારી પીડ ઈચ્છા છે,
તમે હર રૂપમાં એક જ રટણ પક્ડીને બેઠા છો…

જનમને તો તમે જૈવિક અકસ્માત જ કહો છો ને,
તમાર નામની સાથે અટક પક્ડીને બેઠા છો…

તમે જે બસમાં બેઠા છો એ વાતાનુકૂલિત છે પણ,
નથી એ જાણ કે ખોટી સડક પક્ડીને બેઠા છો…

ઊછળતું કૂદતું ગમતું હતું એ એટલે અશરફ,
પલાંઠી આંગણે વાળી હરણ પક્ડીને બેઠા છો…

Advertisements
%d bloggers like this: