Home > કવિતા, ગઝલ, ગની દહીંવાળા > અજંપાનું ફૂલ – ગની દહીંવાળા

અજંપાનું ફૂલ – ગની દહીંવાળા

May 26, 2014

કયારેક પગ મહીંથી આ રસ્તો વિદાય થાય,
તો થાકનો ય કંઇક નિરાંતે ઉપાય થાય…

હાલત અમારી જોઇને બીજા ય વ્યાકુળ થાય,
પર્વત ઢળી પડે અને સાગર ઊભા ય થાય…

અમને હસી જ કાઢજો એ છે અતિ ઉચિત,
ઠલવાય લાગણી, તો નીપજ વેદના ય થાય…

ખીલ્યું હો બાર માસી અજંપાનું ફૂલ જ્યાં,
ત્યાં મુંઝવણની વેલ તો વાવ્યા વિના ય થાય…

પાડી ઊઠ્યો છે જામનો ખાલીપો એવી ચીસ,
મદડાં તરસનાં જીવ લઇ દોડતાં ય થાય…

આદિથી એજ આગના સંચયથી લાલસા,
સૂરજ ન હોય તો અહીં તો દિનકર ઘણા ય થાય…

સંતાપિયા સ્વભાવને આઘાત શા ‘ગની’?
વેરણ તો એવા જીવની ઠંડી હવા ય થાય…

Advertisements
%d bloggers like this: