Home > ઉર્વીશ વસાવડા, કવિતા, ગઝલ > જાતની સાથે જ સોબત થઇ ગઇ – ઉર્વીશ વસાવડા

જાતની સાથે જ સોબત થઇ ગઇ – ઉર્વીશ વસાવડા

April 22, 2014

જાતની સાથે જ સોબત થઇ ગઇ,
એકલા રહેવાની આદત થઇ ગઇ…

એક આંસુ કો’કનું લૂછી દીધું,
જો ખુદા કેવી ઇબાદત થઈ ગઈ…

આયના સામે કશા કારણ વગર,
આજ બસ મારે અદાવત થઇ ગઇ…

શબ્દ ખુલ્લે આમ વહેંચ્યો છે બધે,
કેવડી મોટી સખાવત થઇ ગઇ…

એમણે પીડા વિશે પૂછ્યા પછી,
કેટલી પીડામાં રાહત થઈ ગઈ…

કાલ મન ઉજજડ હતું પણ આજ તો,
કૈંક સ્મરણની વસાહત થઇ ગઇ…

– ઉર્વીશ વસાવડા

Advertisements
%d bloggers like this: