Home > કવિતા, ગઝલ > તમે આકૃતિ હું પડછાયો

તમે આકૃતિ હું પડછાયો

March 16, 2014

તમે આકૃતિ હું પડછાયો,
તેજ મહીંથી છું સર્જાયો…

તમે વિહરનારા અજવાળે,
હું એથી બડભાગી,
ભમું ભલે આગળ પાછળ,
પણ રહું ચરણને રે લાગી…

શિતળ જળ કે તપ્ત રણે જઈ,
તમે ઉભા ત્યાં હું પથરાયો,
તમે આકૃતિ હું પડછાયો…

આંખ સગી ના જોઈ શકે જે,
એવી અકળિત કાયા,
આ ધરતી પર સર્જન રૂપે,
હું જ તમારી છાયા…

પ્રશ્ન મૂંજવતો આદિથી જે,
આજ મુને સાચે સમજાયો,
તમે આકૃતિ હું પડછાયો…

Advertisements
Categories: કવિતા, ગઝલ
%d bloggers like this: