Home > કવિતા, ગઝલ, નીનુ મઝુમદાર > ફરતાં ફરતાં નિર્જન વનમાં – નીનુ મઝુમદાર

ફરતાં ફરતાં નિર્જન વનમાં – નીનુ મઝુમદાર

February 25, 2014

ફરતાં ફરતાં નિર્જન વનમાં એક સહચરની યાદ આવી ગઈ,
એક ડાળ હતી ને હતો માળો, મુજને ઘરની યાદ આવી ગઈ…

ત્યાં વેરવિખેર હતાં ફૂલો ને એકલું બુલબુલ રોતું હતું,
સૈયાદે દયાથી ખોલ્યું હતું તે પિંજરની યાદ આવી ગઈ…

અરમાન વહીને દિલમાંથી પલકોના કિનારા શોધે છે,
નયનોમાં તરતા જીવનને કોઈ સાગરની યાદ આવી ગઈ…

ત્યાં પાછળ માર્ગ હતો સૂનો ને આગળ પણ સુમસામ હતું,
એકાકી નિરંજનને ત્યારે સચરાચરની યાદ આવી ગઈ…

– નીનુ મઝુમદાર

Advertisements
%d bloggers like this: