Home > કવિતા, ગઝલ > પણ મળવાનું રાખો

પણ મળવાનું રાખો

February 12, 2014

આજ નહીં તો કાલે મળજો, પણ મળવાનું રાખો,
મુજમાં ઓછા વધતા ભળજો, પણ ભળવાનું રાખો…

સંભવ છે કે મળી જાય નિજનું અજવાળું એમાં,
ભલે ને ધીમે ધીમે બળજો, પણ બળવાનું રાખો…

જડ કે જક્કી બન્યા અગર જકડાઈ જવાના નક્કી,
મનગમતા ઢાંચામાં ઢળજો, પણ ઢળવાનું રાખો…

તમે છો મારી આંખનાં સપનાં કાચીકચ ઉંમરના,
મને નહીં તો બીજાને ફળજો, પણ ફળવાનું રાખો…

તેનાથી કંઈ ફેર પડે ના આ જગનાં પાપોમાં,
પુણ્યો થોડાં થોડાં રળજો, પણ રળવાનું રાખો…

માફકસરનું તમે બધાને આપી ના શકવાના,
ઝીણું દળજો, જાડું દળજો, પણ દળવાનું રાખો…

ગઝલો પણ સાંભળવી, લખવી નીતર્યો બ્રહ્માનંદ છે,
એ બાજુ છો ઓછા ઢળજો, પણ ઢળવાનું રાખો…

Advertisements
Categories: કવિતા, ગઝલ
%d bloggers like this: