Home > કવિતા, ગઝલ, મનોજ ખંડેરિયા > પગલા વસંતના – મનોજ ખંડેરિયા

પગલા વસંતના – મનોજ ખંડેરિયા

February 9, 2014

આ ડાળ ડાળ જાણે કે પગલા વસંતના,
ફૂલો એ બીજું કૈં નથી પગલા વસંતના…

આ એક તારા અંગેને બીજો ચમન મહીં,
જાણે કે બે પડી ગયાં ફાંટા વસંતના…

મહેંકી રહી છે મંજરી એક એક આંસુમાં,
મ્હોર્યા આજ આંખમાં આંબા વસંતના…

ઉડી રહ્યાં છે યાદના અબીલ ને ગુલાલ,
હૈયે થયાં છે આજ તો છાંટા વસંતના…

Advertisements
%d bloggers like this: