Home > કવિતા, ગઝલ, નયન દેસાઈ > નામનો પહેરો છે દોસ્તો – નયન દેસાઈ

નામનો પહેરો છે દોસ્તો – નયન દેસાઈ

January 26, 2014

બાકી શરીર કૈં નથી ચહેરો છે દોસ્તો,
ઓળખ, અટક ને નામનો પહેરો છે દોસ્તો…

માણસ સુધી તો કઈ રીતે પહોંચી શકે કોઈ,
દેખાય તેથી પણ વધુ ગહેરો છે દોસ્તો…

ક્યાં એ અવાજ સાંભળી પડઘાય છે જરા,
માણસ ખુદાથી પણ વધુ બહેરો છે દોસ્તો…

એકાંત છેક તળિયે મળે તો મળી શકે,
ડૂબી જવાય એટલી લહેરો છે દોસ્તો…

– નયન દેસાઈ

Advertisements
%d bloggers like this: