Home > કવિતા, ગઝલ, રવિ ઉપાધ્યાય > સમસ્યાના સાગર તરી જાણજે – રવિ ઉપાધ્યાય

સમસ્યાના સાગર તરી જાણજે – રવિ ઉપાધ્યાય

December 2, 2013

સમસ્યાના સાગર તરી જાણજે,
મળ્યું છે જીવન તો જીવી જાણજે…

પરીક્ષા પ્રભુનેય દેવી પડે,
થઇ અગ્નિમાં કંચન, તપી જાણજે…

ફુલોથી ઘણું શીખવાનું મળે,
પીસાઇનેતું અત્તર બની જાણજે…

તફાવત તું સારાં બૂરાનો સમજ,
દીવાદાંડી જગની, બની જાણજે…

વિધાતાનો કેવો આ ઉપહાર છે,
તું બુધ્ધિની લ્હાણી કરી જાણજે…

પ્રલોભનથી રહીને નિરાળો ‘રવિ’!
જીવન તો છે ઠીક, પણ મરી જાણજે…

Advertisements
%d bloggers like this: