Home > કવિતા, ખલીલ ધનતેજવી, ગઝલ, ગીત > તો ફલક ઊઘડે – ખલીલ ધનતેજવી

તો ફલક ઊઘડે – ખલીલ ધનતેજવી

August 29, 2013

આંખમાં છો ને ભીની ઝલક ઊઘડે,
મેઘ વરસી પડે તો ફલક ઊઘડે…

ગાલ પર કોઈ શમણાનું પીંછુ ફરે,
પોપચાં થરથરે ને પલક ઊઘડે…

રોજ લાગે કોઈ યાદ કરતું હશે,
રોજ છાતીમાં ઝીણી સલક ઊઘડે…

પારકા દેશમાં તારી યાદ આવતાં,
ઘર તો ઘર, આખેઆખો મલક ઊઘડે…

છો ખલીલ, આજ મન થોડું હળવું થતું,
આંખમાં છોને ભીની ઝલક ઊઘડે…

– ખલીલ ધનતેજવી

Advertisements
%d bloggers like this: