Home > કવિતા, ગઝલ, ગીત, સૈફ પાલનપુરી > આંખોથી લઈશું કામ – ‘સૈફ’ પાલનપુરી

આંખોથી લઈશું કામ – ‘સૈફ’ પાલનપુરી

August 22, 2013

આંખોથી લઈશું કામ, હવે બોલવું નથી,
રૂપાળું એક નામ, હવે બોલવું નથી…

યૌવનમાં એક રેશમી સાહસ કર્યું હતું,
કેવું મળ્યું ઇનામ, હવે બોલવું નથી…

પૂછો ના પ્રીત મોંઘી છે કે સસ્તી છે દોસ્તો,
ચૂકવી દીધાં છે દામ, હવે બોલવું નથી…

લ્યો સામે પક્ષે ‘સૈફ’ નજર નીચી થઈ ગઈ,
શબ્દો હવે હરામ, હવે બોલવું નથી…

– ‘સૈફ’ પાલનપુરી

Advertisements
%d bloggers like this: