Home > કવિતા, ગઝલ, ગીત, સૈફ પાલનપુરી > રમત થઇ ગઇ – ‘સૈફ’ પાલનપુરી

રમત થઇ ગઇ – ‘સૈફ’ પાલનપુરી

August 12, 2013

પ્રીતની એકપક્ષી રમત થઇ ગઇ,
કેવી નાદાની સંજોગવત થઇ ગઇ…

હાર કે જીત જેવું કશું ના રહ્યું,
જિંદગી એક અમસ્તી શરત થઇ ગઇ…

નામ આવ્યું તમારું કે કિસ્સો ખતમ,
લાગણીઓ બધી એકમત થઇ ગઇ…

મારા દિલ પર વધુ ભાર એનો રહ્યો,
એમની જો કદી ‘હા’ તરત થઇ ગઇ…

જિંદગીએ હસીને કહ્યું મોત ને,
આપણી વચ્ચે કેવી રમત થઇ ગઇ…

સ્વપ્ન નો’તું, છતાં જઇને ભેટી પડ્યા,
‘સૈફ’થી ભૂલ કેવી સખત થઇ ગઇ…

– ‘સૈફ’ પાલનપુરી

Advertisements
%d bloggers like this: