Home > કવિતા, ગઝલ, ગીત > આમ કરો ના ખોટી અટક્ળ

આમ કરો ના ખોટી અટક્ળ

June 30, 2013

આમ કરો ના ખોટી અટક્ળ,
કોણ કહે છે જીવન ઝાકળ…

એ તો છે સંદેશ ખુદાનો,
એથી આવ્યા લાખ પયંબર…

જા લખી લે કર્મોની ગઝલો,
જીવન એ તો કોરું કાગળ…

રુહ રુહથી સોહે ધરતી,
બુંદ બુંદથી મહેકે સાગર…

હિલ્લારા ખાતો છે દરિયો,
ચલ ભરી લે પ્રેમની ગાગર…

કળિયો ચહેકે પુષ્પો મહેકે,
તું ઝંખે આવળ બાવળ…

‘સુરત’ તો રગ રગમાં રમતુ,
ચોકથી ભાગળ આંખનુ કાજળ…

ચાલ ‘વફા’ તાપી તટ જઇએ,
પાછા ભરીયે રંગનો પાલવ…

Advertisements
%d bloggers like this: