Home > કવિતા, ગઝલ, ગીત > વાદળોની શક્તિથી સરજાય છે

વાદળોની શક્તિથી સરજાય છે

June 27, 2013

ગડગડાટ આભલે વાદળોની શક્તિથી સરજાય છે,
કંદરાના પડઘા મફતમાં હુંકારા ધરી જાય છે…

લાવ લાવની લતે સાગર ખારો થઈ પસ્તાય છે,
ન્યોછાવરી મેઘો લીલોતરીની પ્રસાદી પીરસી જાય છે…

છળકપટી જાદુ જમાનાનો સઘળે વરતાય છે,
ઢોળના દાગીના સુર્વણ ભાવે વેચાઈ જાય છે…

સાચા ફૂલો થયા જે બીચારા તવાયે શેકાય છે,
કાગળના ફૂલો મહેફીલના રંગો માણી જાય છે…

દ્વારે ઊભા ભગવાન સામે કમાડ બંધ થાય છે,
થાપ દઈ શ્રધ્ધાને પાખંડી ખુદ પૂંજાઈ જાય છે…

રંગમાં રંગ ભળે તો વસંત ખીલી જાય છે,
માનવમાં માનવતા ખીલે તો પ્રભુતા પ્રગટી જાય છે…

આકાશદીપ ગ્રહણ દોષે વિષાદી વરતાય છે,
થઈ સપ્તરંગી વિજ ઉત્સવો સજાવી જાય છે…

Advertisements
%d bloggers like this: