Home > કવિતા, ગઝલ, ગીત > મારા વિચારને અડકે

મારા વિચારને અડકે

June 26, 2013

જે નાજુકાઈથી આ શમણું આંખને અડકે,
તું એ જ રીતથી મારા વિચારને અડકે…

શું તારા સ્પર્શથી એને થતી નથી તૃપ્તિ?
ન હોય તું જો કને, તારી યાદને અડકે…

ઊગી છે પાણીમાં તું આ કિંવા કમળ થઈને,
હશેને કૈંક તો એવું કે જે તને અડકે?

દસ આંકડા જ છે છેટો ભૂલો પડ્યો ટહુકો,
દસ આંગળામાં નથી દમ કે ફોનને અડકે…

સતત હૃદય, બધા કોષો અને મગજને અડે,
વિચાર લોહી જેવો છે, દરેકને અડકે…

ઘડી ઘડી તને લેવો પડે, શી મજબૂરી,
હે શબ્દ! શ્વાસ થઈ શાને તું મને અડકે?

Advertisements
%d bloggers like this: