Home > કવિતા, ગઝલ, ગીત > શાયરી કહેવાઇ ગઇ

શાયરી કહેવાઇ ગઇ

June 21, 2013

વર્ષો પછીથી આજ પાછી શાયરી કહેવાઇ ગઇ,
મૌનની જાહોજલાલીઓ ફરી લૂંટાઇ ગઇ…

તીવ્રતા બુઠ્ઠી થઇ ને ગાલગાના બંધનો,
બેડીઓનો દેશ છે ને કરવતો ખોવાઇ ગઇ…

એ જ કિસ્સો, એ જ લોકો એ જ અધૂરા સ્વપ્ન બે,
કેટલી ચીજોથી સાલી જિંદગી ટેવાઇ ગઇ…

શું કરું મારા રુદનની સાબિતીનું શું કરું,
એક ક્ષણ ખાલી હસ્યો એમાં છબિ ખેંચાઇ ગઇ…

આજ મારી કાયમી ભીનાશનું કારણ કહું?
એક નદી મારા સુઘી આવી અને ફંટાઇ ગઇ…

Advertisements
%d bloggers like this: