Home > કવિતા, ગઝલ, ગીત > હરિ તારાં નામ છે હજાર

હરિ તારાં નામ છે હજાર

May 25, 2013

હરિ તારાં નામ છે હજાર, કયે નામે લખવી કંકોતરી,
રોજ રોજ બદલે મુકામ, કયે ગામે લખવી કંકોતરી…

મથુરામાં મોહન તું, ગોકુળ ગોવાળિયો,
દ્વારિકાનો રાય રણછોડ, કયે નામે લખવી કંકોતરી…

કોઈ સીતારામ કહે, કહે રાધેશ્યામ કહે,
કોઈ કહે નંદનો કિશોર, કયે નામે લખવી કંકોતરી…

ભક્તોની રાખી ટેક, રૂપ ધર્યાં તે અનેક,
અંતે તો એકનો એક, કયે નામે લખવી કંકોતરી…

ભક્તો તારા અપાર ગણતાં ન આવે પાર,
પહોંચે ન પૂરો વિચાર, કયે નામે લખવી કંકોતરી…

નરસિંહ મહેતાનો સ્વામી શામળિયો,
મીંરાનો ગિરિધર ગોપાળ, કયે નામે લખવી કંકોતરી…

Advertisements
%d bloggers like this: