Home > કવિતા, ગઝલ, ગીત > મરણ તો આવે ત્યારે વાત

મરણ તો આવે ત્યારે વાત

April 30, 2013

મરણ તો આવે ત્યારે વાત,
અત્યારે તો જીવન સાથે ગમતી મુલાકાત…

ખીલવાનો આનંદ હોય છે,
ખરવાની કોઇ યાદ નથી..

સુગંધ જેવો ભીનો ભીનો,
વરદાન સમો વરસાદ નથી…

સોના જેવો દિવસ ઉગે રૂપા જેવી રાત,
મરણ તો આવે ત્યારે વાત…

હરતા રહેવુ ફરતા રહેવું,
ઝરણાંની જેમ વ્હેતા રહેવું…

મહેફિલને મનભરી માણી,
જલસા જલસા કહેતા રહેવું…

જીવન અને મરણની વચ્ચે નહીં પ્રશ્નો પંચાત,
મરણ તો આવે ત્યારે વાત…

Advertisements
%d bloggers like this: