Home > કવિતા, ગઝલ, ગીત, જવાહર બક્ષી > ધાર્યા મુજબ સંબંધના સૂરજ ઊગ્યા નહીં – જવાહર બક્ષી

ધાર્યા મુજબ સંબંધના સૂરજ ઊગ્યા નહીં – જવાહર બક્ષી

April 25, 2013

ધાર્યા મુજબ સંબંધના સૂરજ ઊગ્યા નહીં,
સ્વપ્નો હવે હું ભૂલી શકું નહિ તો ના નહીં…

આખા દિવસની શુષ્ક ઉદાસી તૂટી નહીં,
તારાં ભીના સ્મરણના શુકન પણ ફળ્યાં નહીં…

નહિ તો જીવનમાં શું હતું નિષ્ક્રિયતા સિવાય,
પણ બે ઘડી નિરાંતથી બેસી શક્યા નહીં…

તસતસતા મૌનને મેં ગઝલમાં ભરી દીધું,
ને એ કહે છે મને શબ્દો મળ્યા નહીં…

એને મળો ને જો કશું બોલી શકો ફના,
એના વિષે કશુંય કહી બેસતા નહીં…

– જવાહર બક્ષી

Advertisements
%d bloggers like this: