Home > અમીન આઝાદ, કવિતા, ગઝલ, ગીત > રાત ચાલી ગઈ – ‘અમીન’ આઝાદ

રાત ચાલી ગઈ – ‘અમીન’ આઝાદ

March 26, 2013

જશે, ચાલી જશે, ગઈ, એ વિચારે રાત ચાલી ગઈ,
ખબર પણ ના પડી અમને કે ક્યારે રાત ચાલી ગઈ?

તમે જ્યાં આંખ મીંચી કે, બધે અંધકાર ફેલાયો,
તમે જોયું અને એક જ ઈશારે, રાત ચાલી ગઈ…

હજી તારાની સાથે જ્યોત્સ્નાની વાત કરતો’તો,
હજી સાંજે તો આવી’તી, સવારે રાત ચાલી ગઈ…

જુઓ રંગભેદથી બે નારીઓ ના રહી શકી સાથે,
ઉષા આવી તો શરમાઈ, સવારે રાત ચાલી ગઈ…

તમારા સમ ‘અમીન’ ઊંધી શક્યો, ના રાતભર આજે,
પરંતુ કલ્પનાઓના સહારે, રાત ચાલી ગઈ…

– ‘અમીન’ આઝાદ

Advertisements
%d bloggers like this: